Sportsoho運動版圖2025年2月號

感覺先決 — 封面人物 香港Sub 220跑手 林穎璋｜CoverStory 封面故事｜2025年2月號｜Sportsoho 「能夠全心全意投入係關鍵。訓練上我會相信自己嘅感覺，而唔係盲目跟住課表訓練，因為狀態有高低起伏，聆聽自己嘅身體好重要。」 截至現時，香港本地跑手只有四位能夠喺馬拉松跑入2小時20分之內（Sub220），而只係跑咗兩次馬拉松嘅 #林穎璋 Vincent，已經達到哩個成就，佢亦係四位跑手之中馬拉松資歷最淺嘅一位。上年12月 Vincent 更加喺日本福岡出戰第三次馬拉松，以2小時15分31秒將個人紀錄大幅提升4分鐘之多，仲打破當時香港嘅全馬紀錄！